Uxío Abuín, décimo na Copa do Mundo de Cagliari

Antonio Serrat non puido participar por un esguince de nocello.

0

 

Uxío Abuín logrou entrar no top-ten da Copa do Mundo de Tríatlon de Cagliari (Italia), nunha proba na que estivo sempre ben colocado. Ademais, hai que destacar que Antonio Serrat non puido saír ao sufrir mentres adestraba un esguince de nocello que o deixou fóra de xogo para esta proba, e en dúbida para a Serie Mundial de Leeds. Na proba feminina, Camila Alonso foi 40a.

Na proba masculina, Uxío saíu da auga na segunda posición por detrás do francés Raoul Shaw. Durante o ciclismo chegou a formarse un grupo único, aínda que moi estirado polo que volveu a romperse. Así, á segunda transición chegou un grupo de algo máis de vinte unidades, entre os que se atopaba o galego, aínda que no tramo final.

Na carreira a pe, houbo sorpresas xa que romperon a carreira e lograron o podio deportistas que non estaban entre os favoritos. Así logrou o triunfo o italiano Delian Stateff cun tempo de 54:45. Uxío foi décimo clasificado na proba (55:23) e primeiro español.

Na categoría feminina Camila Alonso segue sen atoparse ben trala caída adestrando e rematou na 40a posición.

A Copa do Mundo de Cagliari celebrouse sobre a distancia sprint, de forma que as e os deportistas fixeron 750 metros de natación, 19 quilómetros de bicicleta e 5 quilómetros de carreira a pe.