UB Lavadores e Balonmán Xiria loitarán esta fin de semana polo ascenso á DHP Masculina

0

Nota de prensa de la Federación Gallega de Balonmano

Os días 17,18 e 19 de maio celebraránse as fases de ascenso á División de Honra Prata Masculina, coa participación do UB Lavadores (en Vigo) e o Balonmán Xiria (en Avilés). A fase de ascenso está composta por tres grupos de catro equipos cada un e só o primeiro clasificado de cada grupo acadará o ansiado premio do ascenso á categoría de prata do balonmán español.

En Galicia poderemos gozar no pavillón de Navia do Grupo I da man do UB Lavadores, que coma anfitrión que se enfrontará ao Helvetia Anaitasuna (subcampión do grupo C), Elda C.E.E. Eldense (subcampión do grupo E) e ao campión do grupo F, o Cajasur Córdoba.

Nesta noticia podedes atopar adxunto a oferta de bonos e prezos individuais para poder ver os partidos desta fase en Vigo. Tamén podedes mercar as localidades para a fase de ascenso na sede da Federación Galega (rúa Luis Ksado, 17 – Vigo).

Por outra banda o Balonmán Xiria, viaxará ata Avilés para formar parte do grupo II, onde se encadra co Cafés Toscaf Atlética (subcampión do grupo B), ao Unió Esportiva Sarriá (campión do grupo D) e por último ao Visconfort Maristas Algemesí (campión do grupo E).