Triste tarde do Celta en Donostia | Real Sociedad 1-0 RC Celta

0

FICHA TÉCNICA

Real Sociedad 1-0 RC Celta

Aliñación Real Sociedad: Remiro, Gorosabel, Aritz, Le Normand, Aihen, Guevara, Rafinha, Mikel Merino, Oyarzabal, Januzaj e Isak.

Aliñación RC Celta: Dituro, Hugo Mallo, Araújo, Aidoo, Javi Galán, Fran Beltrán, Brais Méndez, Denis Suárez, Cervi, Santi Mina e Iago Aspas.

Goles: 1-0, min. 12 (Oyarzabal).

Árbitro: Cuadra Fernández

Campo: Estadio Reale Arena

ANÁLISE

Comezou a segunda volta, pero volveron as malas sensacións da noite de Reis ante o Baleares. O Celta non tirou nin unha soa vez entre os tres paus e viuse superado por unha Real Sociedade que marcou no primeiro tempo e mesmo puido ampliar a ventaxa en varias ocasións.

A tarde non comezou ben para o Celta. A defensa celeste quedou detida nunha xogada xa que pensaban que ía ser anulada. Pero non foi, e Oyarzabal anotou facilmente o primeiro gol dos locais. Uns minutos despois, Dituro tivo que esforzarse para deter outro lanzamento de Oyarzabal. No restante do primeiro tempo seguiu a mesma tónica do encontro e mesmo nalgúns momentos a Real tivo máis posesión que os celestes pese a ir gañando.

highlight_image
Fotografía: LaLiga Santander

Pouco despois do reinicio, a Real Sociedade deulle un novo susto ao Celta cun tiro de Merino que pegou no pau. No 59, Elustondo anotou o segundo gol dos locais, pero foi anulado por fóra de xogo. Con todo, os donostiarras non se renderon e seguiron tentando marcar, como nunha boa ocasión de cabeza de Rafinha. No 84 chegou o primeiro e único lanzamento algo decente do Celta. Aspas disparou ao lateral da rede e tentaba animar aos seus compañeiros, pero o empate non chegou.

Segunda derrota desta semana. Cada vez con peores sensacións. Partido triste e pobre do Celta, con poucos aspectos que destacar. O mellor é que o equipo só encaixou un gol e que agora hai un parón por diante antes do Celta-Osasuna. Ogallá para esa data volva o Celta do primeiro partido do ano co Betis.