«Ourense Termal Athletics Meeting», proba de referencia no noroeste peninsular

0

 

[alert type=»success»]O Ourense Termal Athletics Meeting 2016, incluido no calendario de competición nacional da Real Federación Española de Atletismo, celebrarase na cidade de Ourense o vindeiro domingo, 29 de maio, na pista de Atletismo do Campus de Ourense da Universidade de Vigo[/alert]

 

A presentación tivo lugar esta mañá no Pazo Provincial onde participou o vicepresidente da Deputación de Ourense, Rosendo Fernández; o asesor de Deportes da Deputación, Bernardino González; o coordinador de «Termal Athletics Meeting», Lalo Gómez; o delegado técnico da Federación Galega de Atletismo, Ángel Fidalgo; o vicereitor do Campus de Ourense, Virxilio Rodríguez; o coordinador do deporte base no servizo de Deportes da Xunta, Manuel Pérez; e a coordinadora de Deportes do Consello Municipal do Concello de Ourense, Marta Míguez.

 

Rosendo Fernández destacou a relevancia deste evento deportivo no que «o ano pasado, bateuse o record galego de 100 metros lisos, o que demostra a importancia da proba e da categoría dos deportistas que acoden a esta cita».

 

Lalo Gómez explicou que os obxectivos desta celebración é «establecer un encontro que lle serva ao atletas de máis nivel de Galicia e de España, para mellorar as súas marcas». Ademais «Ourense Termal Atlhetics Meeting» pretende ter en conta o deporte de base por iso «establecemos un par de probas para nenos e nenas para que sintan e aprendan o que é unha competición de alto nivel», afirmou Lalo Gómez, que engadiu «outro dos obxectivos deste evento é difundir a imaxe de Ourense termal, e trasladar a nivel nacional e internacional, Ourense como destino turístico termal de calidade». 

 

Nesta segunda edición «acadamos un 200% máis de inscricións que o ano pasado, pasamos de 300 a 600 inscricións, polo que estamos facendo unha selección dos mellores atletas e alongar o horario do Meeting para darlle cabida a maior parte de eles», dixo Ángel Fidalgo, quen afirmou que «vai a ser a proba de referencia no noroeste peninsular».

 

No ránking nacional, «Ourense Termal Athletics Meeting 2015», ocupaba «o posto 14 pola calidade das marcas, e pretendemos que este ano entre no top ten dos Meetings de España», asegurou Lalo Gómez. Os premios nesta edición «basearanse na calidade das marcas, a diferenza do ano pasado que se deran por proba», explicou o coordinador da proba.

 

Detalles del Evento