O Vilalba FS e o FSF Castro empatan nun vibrante partido (4-4)

O Vilalba F.S. e F.S.F. Castro empataron a catro nun partido amistoso que serviu de debut e presentación do equipo feminino local.

0
35

 

Nun espectacular partido disputado na tarde do sábado no Pavillón Municipal de Vilalba, cun gran ambiente e ante máis de trescentas persoas, non se notou a diferencia de categoría entre os dous equipos nin os poucos adestramentos que levan feitos as rapazas dirixidas por Jose e Miguel.

O partido resultou moi igualado e con alternativas no marcador. Nos últimos minutos o Castro sacou a porteira xogadora e foi cando as xogadoras locais dispuxeron de varias ocasións para levarse o partido. Os goles do Vilalba F.S. foron conseguidos por Antía (2) e Aine Shilpa (2).

Destacar o excelente comportamento das xogadoras de ámbolos clubes.

Polo VILALBA F.S. participaron neste encontro histórico as seguintes xogadoras: Ana Guillén, Akira, Antía, Ana Díaz, Sabela, Tania, Patricia, Aine Shilpa, Adelaida, María e Carmela.

Comentarios