O tenis de mesa feminino Monte Porreiro recibe os parabéns da Deputación de Pontevedra

0

O equipo infantil do Tenis de Mesa Monte Porreiro, medalla de bronce no recente Campionato de España, e a xogadora Sub23, Judith Cobas, medalla de prata, estiveron na Deputación para compartir os seus éxitos deportivos.

Acompañadas do adestrador, Fernando Álvarez, foron recibidos polo deputado provincial de Deportes, Gorka Gómez, quen lles amosou o apoio da institución e o orgullo de celebrar o resultado conseguido nesta última competición. O deputado destacou a importancia de apoiar un deporte de base tan inclusivo como o tenis de mesa e que, ademais, é un dos piares na formación de futuros deportistas na provincia.

Pola súa banda, o adestrador, Fernando Álvarez, agradeceu o soporte económico da Deputación e anunciou o obxectivo máis ambicioso do club como é o de chegar á máxima categoría de tenis de mesa feminino en España con xogadoras da casa.