O Peixegalego alcanzou un acordo co xogador franco senegalés Sangone Niang (1.83 cms), que formará parte da disciplina do club ata o remate da temporada. Niang chega despois de formar parte do plantel do Delteco Guipuzkoa Basket (4.8 puntos, 2.8 de valoración). Con anterioridade, estivera vencellado durante o inicio da temporada ao Chocolates Trapa Palencia, do que se desvencellou a principios de outubro.

Niang destacou a temporada pasada no Aquimisa Zamora, co que foi elixido dentro do quinteto ideal da categoría e competiu co escolta do Peixe Jordan Gregory polo cetro de máximo anotador. Atesorou 14.8 puntos e 14.2 créditos de valoración.

O playmaker de orixe africana destaca pola súa facilidade para encestar desde tódalas posicións da cancha e pola súa velocidade.  Ademais de en España, tivo experiencias na liga Sueca (KFUM Nassjo) e Arxentina (Estudiantes Concordia).