FICHA TÉCNICA
RC Celta 4-0 Cádiz CF
Aliñación RC Celta: Rubén, Hugo Mallo, Aidoo, Araujo, Lucas Olaza, Tapia (Okay, min. 67), Brais Méndez (Fontán, min. 76), Denis Suárez (Baeza, min. 67), Nolito (Lauti, min. 76), Iago Aspas e Santi Mina (Fran Beltrán, min. 33).
Aliñación Cádiz CF: Ledesma, Iza, Fali, Mauro, Espino (Jairo, min. 46), Jonsson (Garrido, min. 69), Alex, Iván Alejo (Pombo, min. 46), Perea, Álvaro Giménez (Malbasic, min. 69) e Negredo (Lozano, min. 69).
Goles: 1-0, min. 6 (Nolito). 2-0, min. 31 (Iago Aspas p.). 3-0, min. 43 (Fran Beltrán). 4-0, min. 45 (Brais Méndez).
Árbitro: Cuadra Fernández
Campo: Estadio Municipal de Balaídos
ANÁLISE
O Celta de Coudet colleu carreira e non hai quen o pare. Ante o Cádiz, que viña dunha boa xeira ante equipos grandes, conseguiu a terceira vitoria consecutiva. Os catro goles do triunfo foron no primeiro tempo, da man de Nolito, Iago Aspas, Fran Beltrán e Brais Méndez. O segundo tempo foi un trámite, no que os celestes aínda puideron aumentar máis a vantaxe.
Aos cinco minutos de comezar o encontro, o Celta xa estaba por diante no marcador. Aspas e Nolito armaron unha gran xogada que culminou o gaditano mediante un tiro cruzado. A continuación, o Cádiz non se rendeu e tivo ocasións destacadas de Iván Alejo e Negredo. Con todo, a efectividade estaba do lado celeste, e nun derribo de Ledesma a Santi Mina na área, o colexiado sinalou penalti. Este foi transformado por Iago Aspas. Pero esa xogada traería como consecuencia a lesión de Mina no ombreiro, polo que entrou ó campo Beltrán. O encontro seguía co intercambio de golpes, pero só se movía o marcador do Celta. O recén entrado Beltrán foi o que anotou o terceiro gol cun lanzamento dende a frontal. Pouco tempo despois viu outro gol, esta vez de Brais Méndez de cabeza.
Na segunda metade o Celta estivo máis relaxado, sabedor de que moi mal o tiña que facer para perder o partido. Aínda así, Iago Aspas, Lucas Olaza e Miguel Baeza anotaron sendos goles que foron anulados por Cuadra Fernández. Por tanto o resultado podería ter sido máis abultado.
Había tres anos, en xaneiro de 2018 con Unzué, que o Celta non gañaba tres partidos seguidos. Este Celta de Coudet colócase noveno na táboa, con dezaseis puntos (a un do FC Barcelona). O xoves toca enfrontarse ao Llanera na Copa do Rei. Agardamos ver qué Celta se presenta e se continúa esta boa xeira.
Fotografía: La Liga Santander