Cinco galegos (Julián Feijoó, Eduardo Rejo, Irene Montemuiño, Ainoha García e Cloe Iglesias) participarán no Europeo Cadete que se disputará do 29 de novembro ao 2 de decembro en Marina D ́Or (Castellón). A nosa selección irá acompañada polo técnico galego Dani Torrado, que debuta como técnico da Federación Española de Taekwondo.
A primeira das competicións en poñerse en marcha será o Europeo Cadete, e Julián Feijoó (-33 quilogramos, Couto) será o primeiro dos galegos en competir mañá 29 de novembro. Hoxe realiza a pesada e mañá será o momento da saír ao tapiz. Julián logrou a clasificación para o Campionato de Europa, na Copa President de Atenas, onde acadou unha medalla de bronce.
O día 1 de decembro será a quenda de Irene Montemuíño (-51 quilogramos, Natural Sport Riveira) e Ainoha García (-55 quilogramos, Couto). Ainoha participou o pasado ano no Europeo de Budapest, onde quedou eliminada nos cuartos de final.
E por último, Eduardo Rejo (-61 quilogramos, Mace Sport) e Cloe Iglesias (-59 quilogramos, Patiño Moaña) competirán o día 2 de decembro
Este Europeo conta cunha inscrición de 740 deportistas de 40 países europeos, logrando case dobrar a participación do pasado ano no Europeo de Budapest.
