Finalmente na súa categoría (k43) competiron un total de 18 deportistas, algo pouco usual ata agora, que está en xogo a clasificación para Tokio 2020, cita na que o taekwondo formará parte do calendario paralímpico por vez primeira.

Alex, que defendía o título de 2018, tivo como primeiro rival ao israelí Asaf Yasur, nun combate moi complicado polo mal funcionamento dos petos, xa que de repente subían 16 puntos ou 8. Así que houbo que deter a competición para cambialos e o noso deportista remontou para terminar gañando e pasando á rolda.

Nos cuartos de final esperaba o representante de Mongolia, Davaachuluu Tserendolgor, ao que Alex venceu con certa superioridade e así confirmou a súa medalla e o pase ás semifinais. O canadiense Anthony Capello (número 2 do ranking) era o rival e Alex foi por diante durante case todo o combate e chegou aos instantes finais con 13-12 a favor. Pero a falta de 5 segundos, Capello logrou alcanzar a Vidal cun xiro e sumou así tres puntos (15-13). Aínda que faltaba moi pouco, Alex volveu puntuar (15-14), pero non puido darlle a volta ao marcador, e quedou fóra da final do Mundial.

Tras este torneo, Alex Vidal suma 41 puntos no ranking olímpico e segue moi ben colocado para acadar a súa clasificación para Tokio 2020. Pola súa banda, o francés Bopha Kong logrou a medalla de ouro.