A carreira popular Feira do Viño do Ribeiro terá lugar o 3 de maio e estará enmarcada dentro das actividades da Feira.

 

O Centro Cultural José Ángel Valente -antigo Banco de España- de Ourense acolleu  a presentación da segunda edición  da carreira popular Feira do Viño do Ribeiro, que terá lugar en Ribadavia o vindeiro 3 de maio.

Na presentación estiveron o alcalde de Ribadavia, Marcos Blanco Jorge; o presidente do Cosello Regulador Denominación de Orixe do Ribeiro, Miguel Ángel Viso;  e o presidente do Club organizador da carreira (Club deportivo Aurum), Eladio Gómez; acompañados do concelleiro de deportes de Ribadavia, José Prieto.

A carreira constará de tres probas (ademais da carreira de pitufos) abarcando todas as categorías (de benxamín ata veterán). A carreira absoluta, cun percorrido de 9.000 metros, tera a saída na rúa do Progreso, fronte á Alameda.

Durante o acto, o alcalde de Ribadavia, Marcos Blanco, mostrou o seu respaldo a esta proba e sinalou que se trata dunha das actividades máis novidosas da edición 2015 da Feira do Viño do Ribeiro, cuxo programa completo será dado a coñecer proximamente.  

Segundo o presidente do Consello Regulador Denominación de Orixe do Ribeiro, Miguel Ángel Viso, «esta carreira é importante porque España é dos países menos consumidores de viño, sendo dos máis produtores». Deste xeito, coa carreira «buscamos achegar o consumo de viño á xente nova, sempre apostando por un cosumo razoable», aclarou Viso.

Para Lalo Gómez, presidente do club organizador, Club Deportivo Aurum, a proba foi creada “para goce dos participantes. Serán 9.000 metros de carreira absoluta que transcorrerán polos viñedos e os lugares máis emblemáticos de Ribadavia». Ademais, Gómez adiantou que haberá «moitas sorpresas para os primeiros clasificados e para os participantes en xeral». 

Así mesmo,  quixo destacar que en Ribadavia «teñen experiencia na organización de eventos deportivos», como a primeira edición desta carreira popular e o Campionato Provincial de campo a través, entre outros.

 

Inscrición aberta

Con 300 atletas na súa primeira edición, os organizadores agardan que este ano participen na proba entre 400 e 500 corredores. 

A inscrición xa está aberta na web www.carreirasgalegas.com e ten un custe, ata o 14 de abril, de 3 euros. Do 15 ao 29 de abril o prezo da inscrición será de 5 euros. Para os atletas menores de 18 anos a inscrición será de balde.

 

CATEGORÍAS
  • PITUFOS 2008 e posteriores
  • BENXAMÍN 2006 / 2007
  • ALEVÍN 2004 / 2005
  • INFANTIL 2002 / 2003
  • CADETE 2000 / 2001
  • PROMESA 1993 / 1994 / 1995
  • XUVENIL 1998 / 1999
  • JUNIOR 1996 / 1997
  • SENIOR 1992 e anteriores ata veteráns
  • VETERÁN A De 35 a 44 anos
  • VETERÁN B De 45 a 54 anos
  • VETERÁN C De 55 a 64 anos
  • VETERÁN D Maiores de 65 anos
LUGAR DE SAÍDA E PERCORRIDO: A saída estará situada na Rúa do Progreso fronte a Alameda – Feira do Viño de Ribadavia e a carreira discorrerá polas seguintes rúas: Rúa do Ribeiro – Rúa Veronza – Rúa do Xestal – Área Recreativa da Veronza (carril bici) – Rúa Veronza – Paseo do Avia – Paseo do Miño – Rúa da Aldea – Rúa das Laxas – Rúa Ramal – Estrada Francelos – Rúa San Lázaro – Rúa Redondela – Rúa Extramuros – Rúa Porta Nova de Arriba – Praza Magdalena – Rúa Santiago – Rúa Jerusalén – Rúa Cervantes – Rúa Rodríguez Moure – Rúa Merelles Caula – Praza Maior – Rúa do Ribeiro. (9.000 m. aprox.)
 
INSCRICIÓNS: Dende o 9 de marzo de 2015 os atletas federados e populares poderán inscribirse no formulario habilitado ó efecto na web www.carreirasgalegas.com. A inscrición ten un custe de 3€ (do 9 de marzo e ata o 14 de abril) e de 5€ (dende o 15 ó 29 de abril) que deberan aboar mediante pasarela de pago. Para os atletas das categorías, menores de 18 anos, a inscrición será gratuíta. Dispoñen de prazo para a inscrición ata as 20:00 horas do mércores 29 de abril de 2015.
 
RETIRADA DE DORSAIS E CHIPS
A retirada de dorsais e chips realizarase na secretaria de competición na o baixo da Casa do Concello de Ribadavia (Praza Maior, 1) entre as 10:00 h. e as 11:00 h. do día de celebración da proba.
 
AGASALLOS E PREMIOS
  • Todos/as participantes da categoría PITUFOS recibirán unha medalla o rematar a súa participación na proba.
  • Os tres primeiros clasificados/as das categorías BEN-ALE-INF-CAD-XUV recibirán unha medalla.
  • Os tres primeiros clasificados/as das categorías JUN-PRO-SEN-VET recibirán unha medalla e un agasallo do Consello Regulador da D.O Ribeiro.
  • Os tres primeiro/as clasificados da categoría ABSOLUTA recibirán un trofeo e un agasallo do Consello Regulador da D.O Ribeiro.
  • Coa retirada do dorsal entregarase unha bolsa do corredor con produtos.
SERVIZOS:  
  • Na zona de saída e meta encontrase persoal sanitario, ambulancia e avituallamento.
  • Haberá servizo de duchas no Pavillón Municipal de Ribadavia O Consello.